قرآن حکیم کی دعوت اور حکمت پر امام الہندمولانا ابوالکلام آزادؒ کی تحریروں کا مجموعہ جس میں دین کا قرآنی تصور، توحید، مقامِ انسانیت، صفاتِ الٰہی، امر بالمعروف و نہی عن المنکر، جماعتی زندگی، نظریۂ جہاد، اسوۂ انبیاء، الدین و السیاست، عقیدۂ آخرت اور دیگر موضوعات پر سیر حاصل تحریریں شامل ہیں۔ مولانا ابوالکلام آزادؒ نے ماضی کے یونانی فلسفیوں سے متاثر علم الکلام کے بجائے قرآن حکیم کی ہدایت اور اس کے بتائے ہوئے استخراجی طریقے پر جدید علم الکلام کی بنیاد رکھی جس میں انہوں نے معرفت الٰہی اور توحید ربانی کے عملی منہاج مسلمانوں کے سامنے رکھے۔ اس کتاب میں ان قرآنی افادات کو مرتب کیا گیا ہے جو انہوں نے اپنے رسائل لسان صدق، البلاغ اور الہلال میں لکھے۔